Par shayad teri kismat kuch or hi thi..!!

Ek sapna tha tera Jeet te rahne ka,
Ek Aasha thi teri Aagey badhne ki,
Ek josh tha chalte rahne ka, 
Ek Jajba tha tera bahte rahne ka,

Tab palko ke bojh ko Akhil, 
Tu Neendo ke hawale karta tha,
Ummedo ki kuch pariyaan tu,
khwaabo me utaara krta tha,
Un dino ki rahisi kuch or hi thi,
Par shayad teri kismat kuch or hi thi,

Apekshaaye tujhe Dosto se thi,
Aashaye kuch apno se thi,
Ek bharosa tujhe logo ka tha,
or ek kasak tujhe kuch krne ki thi,
Un rukhe sukhe lamho ki, hariyaali kuch or hi thi,
Par shayad teri kismat kuch or hi thi..!!

                                        - Akhil Bhardwaj

Ab Bas Aage Badhna Chahta Hu...!!

Ab bas aagey badhna chahta hu

Sab manjilo ko ab pana chahta hu,

Har pal khud ko khojta rahta hu,

Us Bheed se bahut door jana chahta hu,

Ab bus aagey badhna chahta hu,

Har gam har dard ko  mitaana chahta hu,

Kuch is kadar likhna chahta hu,

Ruh ka dard panno me chappna chahta hu,

Kuch beeti yaadein  bhulaana chahta hu, 

Ab bas aagey badhna chahta hu,

Apne gusse  ko ab kaabu krna chahta hu,

Jindagi ki har khushi ko pana chahta hu,

Har vo adhura sapna sakaar krna chahta hu,

Rukna nahi chalna chahta hu,

Ab bus aagey badhna chahta hu

Safalta ki un raaho me uncha udna chahta hu,

jeet ka vo maja chakhna chahta hu,

Jo sapne dekhta hu khwaabo me,

vo sapne haqiqat me badlana chahta hu,

Ab bas aage badhna chahta hu.

                                                       

  -Akhil Bhardwaj